Улаанбаатар Эмпати сургуулийн сурагчдыг энэ зун буюу 2023 оны 07 дугаар сарын 06-19-ний өдрүүдэд АНУ-ын Нью Йорк, Вашингтон, Бостон хотууд  руу аялах 13 шөнө, 14 өдрийн зуны аялалд урьж байна. Энэхүү аялал нь сурагчдад Харвард, M.I.T. зэрэг их сургуулиудтай танилцах болон Байгалийн түүхийн музей, Эрх чөлөөний хөшөө зэрэг олон дурсгалт газруудаар зочлох боломжийг олгохын  зэрэгцээ сурагчдыг 16 цагийн англи хэлний сургалтад хамруулах юм.  Хүүхдийн тоо хязгаартай тул аяллын талаарх дэлгэрэнгүй мэдээлэл авах болон бүртгүүлэхийг хүсвэл Улаанбаатар Эмпати сургуулийн коллежийн зөвлөх Jamel Johnson/Жамел Жонсон jamel.johnson@empathy.edu.mn /-той холбогдоно уу. Аяллын мэдээллийг хавсаргав.

Математик бол хийсвэрлэх сэтгэлгээний хамгийн хүчирхэг аппарат бөгөөд хийсвэрлэлийг ашиглан логиктойгоор тооцон бодох ухаан юм.

Математикийн долоо хоног ийнхүү эхэллээ.

Манай сургууль 6 дугаар ангидаа 2 бүлэг, 7, 8 дугаар ангидаа тус бүр 1 бүлэг шинээр авна. Бүртгэлийн хугацаа: 2023.03.13 - 2023.04.07. Элсэлттэй холбоотой дэлгэрэнгүй мэдээллийг бүртгэлийн ажилтантай холбогдож авна уу. 8811-4157, 99020542, 11-462610

Улаанбаатар Эмпати сургуулийн МХЗАН-ээс жил бүр уламжлал болгон зохион байгуулдаг “Монгол хэл, соёлын долоо хоног” эхэлж байна.

Эдгээр өдрүүдэд сургуулийн хамт олон үндэсний дээл хувцсаараа гоёж, монгол өв соёлоосоо суралцаж, түүгээр бахархан омогшиж, хамтдаа мэдлэг бүтээж, хөгжиж хөгжилддөг билээ.

Тэмцээний эхний өдрийн нээлтийн үйл ажиллагаанд сургуулийн нийт сурагч, багш, ажилтан албан хаагчид дээлтэйгээ жагсан оролцсон бөгөөд үндэсний хувцсаа бүрэн өмссөн сайхан монгол хүүхдүүд, залуус бүсгүйчүүдийг харахад өөрийн эрхгүй омогших сэтгэл төрж монголоороо бахархмаар.

Энэ өдрийн бас нэгэн онцлох үйл явдал нь Улаанбаатар Эмпати сургуулийн багш, ажилтан албан хаагчдын дунд зохион явуулсан “Монгол өв соёлын тэмцээн” байлаа. Монгол хүн бүрийн мэдвэл зохих зүйлс болон чадварыг сорьсон энэхүү тэмцээнд Математикийн ЗАН-ийн хамт олон бусдаасаа онцгойрч тэргүүн байрыг эзэлсэн бол удаах байруудад БУЗАН, Аж ахуйн баг шалгарлаа.

Тэмцээний дараагийн өдрүүдэд улам сонирхолтой тэмцээн уралдаан, наадам хүлээж байна. Сурагчдадаа амжилт хүсье!